ചില സ്മാർട്ട്ഫോണുകളില്‍ ഈ വര്‍ഷം മുതല്‍ വാട്സ്ആപ് ലഭ്യമാകില്ല.
ആന്‍ഡ്രോയിഡ്, ഐഓഎസ്, ബ്ലാക്ക്‌ബെറി, വിന്‍ഡോസ് ഒപ്പറേറ്റിങ് സിസ്റ്റങ്ങളുടെ പഴയ പതിപ്പുകളില്‍ പ്രവര്‍ത്തിക്കുന്ന ഫോണുകളില്‍ നിന്നാണ് വാട്സ്ആപ് പിന്‍വലിക്കുന്നത്.
വാട്സ്ആപ്പ് അവതരിപ്പിക്കാന്‍ പദ്ധതിയിടുന്ന പുതിയ ഫീച്ചറുകള്‍ പ്രവര്‍ത്തിക്കാത്തതിനാലാണ് ഈ ഓഎസുകളെ സേവന പരിധിയില്‍ നിന്നും ഒഴിവാക്കുന്നതെന്ന് വാട്സ്ആപ്പ് പറഞ്ഞു. പട്ടികയിലുള്ള ചില ഫോണുകളില്‍ ഇതിനോടകം വാട്‌സ്‌ആപ്പിന്‍റെ പ്രവര്‍ത്തനം നിലച്ചിട്ടുണ്ട്. ബാക്കിയുള്ളവയില്‍ ഈ വര്‍ഷം തന്നെ വാട്സ്ആപ്പ് സേവനം അവസാനിക്കും.
പഴയ ഫോണുകള്‍ ഉപയോഗിക്കുന്ന ഉപയോക്താക്കളോട് പുതിയ ആന്‍ഡ്രോയിഡ് പതിപ്പുകളില്‍ പ്രവര്‍ത്തിക്കുന്ന ഫോണുകളിലേക്ക് മാറാന്‍ വാട്സ്ആപ്പ് ആവശ്യപ്പെട്ടിട്ടുണ്ട്.
വാട്‌സആപ്പ് സേവനം നിര്‍ത്തലാക്കിയ ഓപ്പറേറ്റി൦ഗ് സിസ്റ്റങ്ങള്‍:
ആന്‍ഡ്രോയിഡ് 2.3.3 യേക്കാള്‍ പഴയ പതിപ്പുകളില്‍, വിന്‍ഡോസ് ഫോണ്‍ 8.0 യേക്കാള്‍ പഴയ ഫോണുകളില്‍, ഐഫോണ്‍ 3ജിഎസ്/ ഐഓഎസ് 6, നോക്കിയ സിംബിയന്‍ എസ്60, ബ്ലാക്ക് ബെറി എസും ബ്ലാക്ക്‌ബെറി 10 ഉം
ഈ വര്‍ഷം വാട്സ്ആപ്പ് നിശ്ചലമാവാന്‍ പോവുന്ന ഓപ്പറേറ്റിങ് സിസ്റ്റങ്ങള്‍:
നോക്കിയ എസ്40, ആന്‍ഡ്രോയിഡ് 2.3.7 ഉം അതിന് മുന്‍പുള്ള പതിപ്പുകളും, ഐഓഎല്‍ 7ഉം അതിന് മുന്‍പുള്ള പതിപ്പുകളും, വാട്സ്ആപ്പ് നിര്‍ദ്ദേശിക്കുന്ന പുതിയ ഓപ്പറേറ്റിങ് സിസ്റ്റങ്ങള്‍, ആന്‍ഡ്രോയിഡ് ഓഎസ് 4.0 യ്ക്ക് മുകളിലുള്ളവ, ഐഓഎസ് 8 ന് മുകളില്‍ പ്രവര്‍ത്തിക്കുന്ന ഐഫോണുകള്‍, വിന്‍ഡോസ് ഫോണ്‍ 8.1 ന് മുകളിലുള്ളവ.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
